Сайтка кириу

O’zLiDeP Сиясый Кеңеси Атқарыў комитети баслығы Актам Хайтов Шоманай районындағы исбилермен ҳәм фермерлер менен ушырасыў өткерди.

O’zLiDeP Сиясый Кеңеси Атқарыу комитети баслығы Актам Хайтов районымыздағы исбилермен ҳәм фермерлер менен ушырасыўлар өткерди.

Тийкарынан ушырасыўларда партиямыздың электорат ўәкиллери болған исбилермен ҳәм фермерлердиң мәплерин ҳәр тәреплеме қоллап-қуўатлаў, олардың жумысындағы ушырасып атырған машқалаларды үйрениў ҳәм унамлы шешимин табыў, электоратымыз санын жәнеде асырыў мәселелери бойынша пикир алмасыўлар болып өтти.

Ушырасыўлар даўамында районымыздағы “Досмурза шәрўа” фермер хожалығының дийқан ҳәм фермерлери менен ушырасты.

Ушырасыўда тийкарынан фермер хожалығы жумысы менен жақыннан танысты. Фермер хожалығы ис жүргизиўшиси Қ.Қаландаров усы фермер хожалығында 89 гектар жер бар болып, тийкарынан шәрўашылыққа қәнигелестирилгенлигин, фермер хожалығы жанында 16 түрли сүт өнимлерин  қайта ислеў кәрханасы ҳәмде халыққа хизмет көрсетиў шахапшаларының жумыс алып барып атырғанлығын атап өтти.

Мийманлар районымыздағы өнермент “Матирзаева Розалия”  тигиўшилик цехында болып, O’zLiDeP Сиясый Кеңеси Атқарыў комитети баслығы А.Хайтов, партияның Сиясый Кеңеси Атқарыў комитети жуўаплы қәнигеси Г.Халмуратова, район ҳәкимлиги ҳәм тийисли тараў ўәкиллери тигиўшилик цехының жумыс барысы менен танысты.

Соң пахта мәўсими ўақтында теримшилердиң ҳалынан хабар алыў мақсетинде районымыздағы “Қарабайли инвест”, “Махмудов Бекполат” ҳәм “Мирзабеков Марқабай” фермер хожалықларындағы теримшилерге ҳармасын айтып, пахта далаларында ақ алтынды жыйнап терип алыўда ең алдыңғы теримшилерге шөлкемлестириўшилер тәрепинен естелик саўғалары тапсырылды.