Сайтка кириу

Мәмлекетлик хызметлер агентлиги 1 жаста

Мәмлекетлик хызметлер көрсетиўдиң миллий системасын түптен реформалаў ис-иләжлары ҳаққында Өзбекистан Республикасы Президентиниң 2017 жыл 12-декабрь күнги ПФ-5278-санлы пәрманында Келешекте мәмлекетлик хызметлер көрсетиў тараўында олардың сапасы, тезлиги, ашықлылығы ҳәм пайдаланыў имкәниятын түптен асырыў арқалы «Халық мәмлекет уйымларына емес, мәмлекетлик уйымлар халқымызға хызмет етиўи керек» деген идеяны алға сүрген еди. Усы пәрманға тийкар Озбекстан Республикасы Әдиллик Министрлиги жанындағы Мәмлекетлик хызметлер агентлиги ҳәм оныӊ бөлимлери сыпатында қала ҳәм районларда Мәмлекетлик хызметлер орайы шөлкемлестирилген еди. Ал бул мәмлекетлик хызметлер орайлары 1 жыл даўамында қандай жумысларды әмелге асырды деген сораў бәршеде туўылыўы мүмкин. Шоманай районы Мәмлекетлик хизметлер орайы хызметкерлери тәрепинен жыл даўамында бир қанша жумыслар әмелге асырылды.

Мәмлекетлик хызметлер агентлигиниӊ 1 жыл толыўы мүнәсебети менен Шоманай районы мәмлекетлик хызметлер орайы тәрепинен 12-декабрь куни байрам кейпиятында жумыс алып барылды орайға келген муражатшыларға саўғалар улесилди.

Атап айтатың болсақ, физикалық ҳәм юридикалық шахсларға 10767 хызметлер көрсетилди. Соннан сентябрь айынан баслап жаңадан қосылған 6 хызмет түри бойынша 3539 ден аслам хызметлер көрсетилди. Бул 2017-жыл даўамындағы хызметлер менен салыстырғанда 90 есе көп хызмет көрсетилгенлигин дерек береди. Яғный 2017-жыл даўамында юридикалың ҳәм физикалық шахсларға 119 хызмет көрсетилген.

Соның менен бир қатарда район аймағындағы аўыл ҳәм мәкан пуқаралар жыйынларына барып пуқаралар менен ушырасып, сол жердиң өзинде 544 ден аслам мәмлекетлик хызметлер көрсетилди.

Сондай-ақ, туўылғанлықты дизимге алыў бойынша 284 шахсқа, ПХАЖ уйымы тәрепинен архив ҳүжжетлерин бериўге 278 шахсқа, Судланбағанлық (судланғанлық) ҳаққында мағлыўмат бериў 179 шахсқа, Мәнзил-мағлыўматын бериў 75 шахсқа, Физикалық шахс –салық төлеўшиниң салық ҳәм басқа қарызы жоқлығы (барлығы) ҳаққында мағлыўмат бериў 393 шахсқа, Физикалық шахслар ушын СТИС (СТИР, ИНН) алыўына 2330 муражаатлар келип тусти.

Бул хызметлер орайынын пуқараларға жеӊиликли тәрепи соннан ибарат бурынлары мәселен айтып отетуғын болсақ ПХАЖ уйымы тәрепинен архив ҳүжжетлерин алыў ушын пайтахтка барып бир кунлик ўақтын жиберип, жол гирей жумсап барып журетуғын болса, ал ҳәзирги кунде Президентимиз тарепинен пуқараларға жаратылған кеӊ мумкиншиликлер ҳәм жеӊилликлер берилип ҳәммеси районлық мәмлекетлик хызметлер орайы тәрепинен әмелге асырылатуғын болды.

Шоманай районы Мәлекетлик

хызметлер орайы директоры:

 А.Галиакберов