Сайтка кириу

O‘zLiDeP тәрепинен Президентимиздиң Конституциямыз қабыл етилгенлигиниң 26 жыллығына бағышланған салтанатлы мәресимдеги баянатын үгит-нәсиятлаўға бағышланған ушырасыу шөлкемлестирилди.

Ушырасыўда партияның Қарақалпақстан Республикасы Кеңеси қәнигелери, район ҳәкимлиги, тийисли шөлкем ўәкиллери, партия белсендилери ҳәмде исбилермен ҳәм фермерлер қатнасты.

– Баянатта бәрше тараўлар қатары исбилерменликти ҳәр тәреплеме қоллап-қуўатлаў, раўажландырыўға айырықша итибар берилген, – дейди O‘zLiDeP Қарақалпақстан Республикасы Кеңеси баслығы С.Турманов.

– Солай екен, баянатта белгиленген ўазыйпалардан келип шығып, халықти исбилерменликке кең түрде қамтып алған ҳалда, жас исбилерменлердиң жойбарларын ҳәмде басламаларын қоллап қуўатлаўымыз лазым.

Жойбар даўамында қатнасыўшылар партияның Шоманай районлық Кеңеси жанында шөлкемлестирилген Қарақалпақстан “Интеллект” мәмлекетлик емес коммерциялық емес жаслар шөлкеми жумысы менен танысты. Мағлыўмат орнында соны атап өтиў орынлы, “Интеллект” шөлкеми тәрепинен 2019-жыл даўамында районымыздағы кем тәмийнленген шаңарақ перзентлери, жәмлеспеген жаслар ҳәм жумыссыз пуқаралардың бийпул тәризде компьютер саўатқанлығын асырыўы белгиленген.