Сайтка кириу

МӘМЛЕКЕТЛИК ХЫЗМЕТЛЕРГЕ ИСЕНИМ АРТПАҚТА

Елимизде мәмлекетлик хызметлер көрсетиў системасы тезлик пенен жетилистирилип, модернизацияланбақта. Бул болса өз гезегинде халықтың турмыс тәризин жақсылаўда қолай инвестициялық орталығын жаратыўға, жумыс искерлигиниң артыўына ҳәм бизнести раўажландырыўға кең имкәниятлар есигин ашпақта.

Өзбекстан Республикасы Президентиниң 2017-жыл 12-декабрь күнги «Халыққа мәмлекетлик хызметлер көрсетиўдиң миллий системасын түптен реформалаў ис-иләжлары ҳақкында”ғы ПП-5278-санлы Пәрманы ҳәм усы сәнеде “Өзбекстан Республикасы Әдиллик министрлиги жанындағы Мәмлекетлик хызметлер агентлиги жумысын шөлкемлестириў ҳаққында”ғы ПҚ-3430-санлы қарарына тийкар Өзбекстан Республикасы Әдиллик министрлиги жанында Мәмлекетлик хызметлер агентликлери шөлкемлестирилип, район ҳәм қалаларда Мәмлекетлик хызметлер орайлары 2018-жыл 1- январдан баслап өз жумысларын баслады.

Президентимиз Пәрманына муўапық мәмлекетлик хызметлер орайлары арқалы “бир айна” принципи тийкарында хызмет көрсетиў тек ғана исбилерменлик субъектлерине ғана емес, тиккелей жеке пуқараларға да мәмлекетлик хызметлер көрсетиў белгиленди.

Пәрманға муўапық Мәмлекетлик хызметлер көрсетиў тараўында олардың сыпаты, тезлиги, ашық-айдынлығы, мәмлекетлик хызметтиң ҳәр бир түри бойынша “Пуқаралар емес, ҳүжжетлер ҳәрекетленеди” принципине муўапық ең алды менен артықша тәртип-көрсетпелерди сапластырыў, инновациялық шешимлер ҳәм мәлимлеме-коммуникация технологияларын жедел ендириў арқалы, мәкемелер ара электрон бирге ислесиўди бирден-бир системаға интеграция етиў, алыс орынларға шығыў арқалы мәмлекетлик хызметлер көрсетиў көзде тутылған.

Сондай-ақ орай хызметкерлери тәрепинен районымыздағы “Дийханабад”, “Кетенлер”, “Бирлешик”, “Сарманбайкол” ҳәм “Бегжап” аўыл пуқаралар жыйынлары аймақларына шығып  пуқараларға хәм исбилерменлик субъектлерине “көшпели” турде мәмлекетлик хызметлер көрсетилип, жаңадан қосылып атырған мәмлекетлик хызметлердиң қолайлылықлары ҳәм абзаллықлары ҳаққында халыққа кеңнен тусиндириў жумыслары алып барылмақта.

Шоманай районы Мәмлекетлик

хызметлер орайы бөлим баслығы:

А.Оразбаев