Сайтка кириу

Қарақалпақстан Республикасы Конституциясы қабыл етилген күнге бағышланып ушырасыў өткерилди

Жақында районымыздағы агроэкономика кәсип-өнер колледжинде O’zLiDeP Қарақалпақстан Республикалық Кеңеси жанындағы «Сиясий билимлендириў» орайы тәрепинен Қарақалпақстан Республикасы Конституциясы қабыл етилгениниң 26 жыллығы байрамы мүнәсибети менен «Констутуция-бахтымыз таянышы» атамасында илаж болып өтти.
Ушырасыўға O’zLiDeP Қарақалпақстан Республикалық Кеңеси аппарат баслығы Ш.Отемисов, бөлим баслығы Қ.Бекназаров, O’zLiDeP Қарақалпақстан Республикалық Кеңеси жанындағы “Сиёсий таълим” орайы директоры Н.Туремуратова, O’zLiDeP Шоманай районлық Кеңеси аппарат баслығы Б.Каримов, Руўхый-ағартыўшылық орайы районлық бөлими баслығы Қ.Исаков, Шоманай районы ИИБ қәнигеси А.Уразымбетов қатнасты.
Илаж даўамында тараў ўәкиллери бүгинги күнде елимизде нызамшылық шеңберинде алып барылып атырған кең көлемли реформалар бойынша кең түрде мағлыўмат берип өтти. Сондай-ақ, Конституциямыздың бөлим ҳәм статияларының мазмун-мәниси бойынша жасларға кеңнен түсиник берилди. Ушырасыў тийкарынан сораў-жуўап тәризинде алып барылып оқыўшылар менен ашық сәўбетлесиў даўамында сөз алғанлар Қарақалпақстан Республикасы Конституциясының жигирма алты жыллық байрамы мүнәсибети менен партия тәрепинен орынларда мәдений-руўхый иләжлар өткерилип атырғанлығы, мәмлекетимизде әмелге асырылып атырған реформалар, дүньядағы раўажланған демократиялық мәмлекетлерде ҳеш бир инсан өзиниң жәмийетлик-сиясый турмысын, ҳуқықый мәплерин қорғаўды Конституциясыз көз алдына келтире алмайтуғыны бойынша айтып өтти.
Ушырасыў соңында ушырасыўға белсене қатнасқан жаслар партияның Қарақалпақстан Республикалық Кеңеси тәрепинен сыйлықланды.
Ушырасыўға 208 оқыўшы қамтып алынды.