Сайтка кириу

Үлгили есабат-сайлаў жыйналысы өткерилди

Шоманай районы “Бәркамал әўлад” орайы жанындағы Басланғыш партия шөлкеминиң гезектеги Есабат-сайлаў жыйналысы өткерилди.
Есабат-сайлаў жыйналысына O’zLiDeP Қарақалпақстан Республикалық Кеңеси аппарат баслығы Ш.Отемисов, бөлим баслығы Қ.Бекназаров, O’zLiDeP Қарақалпақстан Республикалық Кеңеси жанындағы “Сиёсий таълим” орайы директоры Н.Туремуратова, O’zLiDeP Шоманай районлық Кеңеси аппарат баслығы Б.Каримов ҳәмде Руўхый-ағартыўшылық орайы районлық бөлими баслығы Қ.Исаков қатнасты.
Жыйналыс күн тәртибинде басланғыш партия шөлкеми тәрепинен 2018-жыл даўамында әмелге асырған жумыслары бойынша есабаты, Басланғыш партия шөлкеми баслығы, баслық орынбасары ҳәм хаткерин сайлаў ҳаққында ҳәмде Басланғыш партия шөлкеминиң 2019-жылғы ис режесин тастыйықлаў бойынша маселелер додаланды.
Күн тәртибиндеги мәселелер бойынша “Бәркамал әўлад” орайы басланғыш партия шөлкеми баслығы Б.Кубенова өткен 2018-жыл даўамында партияның Шоманай районлық Кеңеси менен биргеликте әмелге асырылған жумыслары, жетискенликлери ҳәмде жол қойылған қәте кемшиликлер ҳаққында кең түрде тоқтап өтти ҳәм 2018-жыл “Ең үлгили басланғыш партия шөлкеми” таңлаўының Қарақалпақстан Республикалық басқышында сыйлы 2-орынды ийелеўи үлкен исеним ҳәм жуўапкершилик жүклейтуғынын айтып, алдағы ўақытлары белгиленген ис-реже тийкарында нәтийжели жумыслар алып баратуғынлығын билдирип өтти.
Оннан соң басланғыш партия шөлкеми тәрепинен әмелге асырылған жумыслар бойынша O’zLiDeP Қарақалпақстан Республикалық Кеңеси аппарат баслығы Ш.Отемисов, бөлим баслығы Қ.Бекназаров ҳәмде партия ағзалары өз пикирлерин айтып өтти.
Басланғыш партия шөлкеми баслығы лаўазымына Б.Кубенова, баслық орынбасары лаўазымына Р.Ешбергенова ҳәм хаткер лаўазымына Н.Алланиязовалар өткен дәўир ишинде әмелге асырылған жумыслары, жетискенликлери есапқа алынып даўыс бериў жолы менен бир аўыздан өз лаўазымларына қайта сайланды.
Басланғыш партия шөлкеминиң 2019-жылғы ис режеси ҳаққындағы мәселе бойынша қайта сайланған Басланғыш партия шөлкеми баслығы Б.Кубенова 2019-жыл ушын ис-реже жойбары менен бәршени таныстырып, пикир ҳәм усыныслар болса қосымша етилип партияның районлық Кеңеси менен келисилген ҳалда тастыйықланатуғынлығы бойынша өз пикирлерин билдирди. Ис-реже жойбары даўыс бериў жолы менен бир аўыздан мақулланды.
Есабат-сайлаў жыйналысы соңында көрип шығылған мәселелер бойынша қабыл етилген қарар менен хаткерлер қурамы ағзалары таныстырып өтти ҳәм қарар қабыл етилди.