Сайтка кириу

Шоманай районы “Ақ жап” аўыл пуқаралар жыйынына ақсақал сайланды

Бүгин Шоманай районы пуқаралар жыйыны баслықлары сайлаўын шөлкемлестириў ҳәм оны өткериўге көмеклесиўши комиссиясы тәрепинен белгиленген графикке тийкар “Ақ жап” аўыл пуқаралар жыйынында болып өтти.

Сайлаў процессине пуқаралар жыйыны аймағындағы сайлаў жасындағы пуқаралардан сайланған жәми 345 ўәкилден 266 ўәкил қатнасып кворум бойынша ўәкиллер жыйналысы ашық деп жәрияланды.

Сайлаўға пуқаралар жыйыны аймағынан еки талабан Назаров Темирбай Сарсенбаевич ҳәмде Убайдуллаев Қуралбай Байтилеуовичлардың кандидатуралары қойылды.

Сайлаў “Пуқаралар жыйыны баслығын (ақсақалын) сайлаў ҳаққында”ғы Өзбекстан ҳәм Қарақалпақстан Республикалары Нызамларына муўапық жабық даўыс бериў жолы менен болып өтти.

Сайлаў жуўмақларына көре есап-санақ комиссиясының мәжилис баянламасы шешимне муўапық Назаров Темирбай Сарсенбаевич “Ақ жап” аўыл пуқаралар жыйыны баслығы (ақсақалы) лаўазымына сайланды.