Сайтка кириу

Шоманай районы “Бирлешик” аўыл пуқаралар жыйынына ақсақал сайланды

Бүгин Шоманай районы пуқаралар жыйыны баслықлары сайлаўын шөлкемлестириў ҳәм оны өткериўге көмеклесиўши комиссиясы тәрепинен белгиленген графикке тийкар “Бирлешик” аўыл пуқаралар жыйынында болып өтти.

Сайлаў процессине пуқаралар жыйыны аймағындағы сайлаў жасындағы пуқаралардан сайланған жәми 344 ўәкилден 328 ўәкил қатнасып кворум бойынша ўәкиллер жыйналысы ашық деп жәрияланды.

Сайлаўға пуқаралар жыйыны аймағынан еки талабан Аметова Тамара Аяповна ҳәмде Ешмуратов Жаксылык Наўбетбаевичлардың кандидатуралары қойылды.

Сайлаў “Пуқаралар жыйыны баслығын (ақсақалын) сайлаў ҳаққында”ғы Өзбекстан ҳәм Қарақалпақстан Республикалары Нызамларына муўапық жабық даўыс бериў жолы менен болып өтти.

Сайлаў жуўмақларына көре есап-санақ комиссиясының мәжилис баянламасы шешимне муўапық Ешмуратов Жаксылык Наўбетбаевич “Бирлешик” аўыл пуқаралар жыйыны баслығы (ақсақалы) лаўазымына сайланды.