Сайтка кириу

ПРЕЗИДЕНТ БАСЛАМАЛАРЫ ӘМЕЛДЕ

Ѳзбекстан Республикасы Президентиниң социяллық ҳәм руӯхый-ағартыӯшылық тараӯларға тийисли Бес әҳмийетли басламасының тѳртинши басламасы яғный, «Жаслардың руӯхый дүньясын байытыӯ, олар арасында китапханлықты кеңнен ен жайдырыӯ»ға қаратылған иләжларды әмелге асырыӯ мақсетинде Халық билимлендириӯ бѳлимине қараслы 1-санлы улыӯма билим бериӯ мектебинде «Китаплар акциясы» шѳлкемлестирилди. Акцияда мектеп оқыӯшыларының ата-аналары ѳз перзентлерине әдебий китаплар саӯға етти. Акция даӯамында Жаслар аӯқамы Шоманай районлық Кеңеси тәрепинен 1-санлы мектеп китапханасының китап фондына 30 атамадағы жәми 200 мың сумнан артық баҳадағы әдебий китаплар, соның менен бирге район аймағындағы 9202 Z шегара постында шѳлкемлестирилген Жаслар аӯқамының басланғыш шѳлкемине ҳәм әскерий бѳлимде жигитлик бурышын ѳтеп атырған жасларға 40 атамадағы жәми баҳасы 600 мың сумнан артық әдебий китаплар ҳәм журналлар саӯға етилди.

Ѳткерилген китаплар акциясына Ѳзбекстан жаслар исбилерменлигин қоллап куӯатлаӯ орайы Қарақалпақстан Республикалық бѳлими баслығы Г.Реджепова ҳәм Жаслар аӯқамы Шоманай районлық Кеңеси баслығы М.Нарбаевлар катнасты.