Сайтка кириу

«Камалак кубоги» спорт жарысы өткерилди

Президентимиздин бес әҳмийетли басламасының екинши басламасы «Жасларды физикалық шынықтырыў, спорт пенен шуғылланыўы ушын зәрур шәрт-шәраятлар жаратып бериў» ҳәмде жаслар арасында саламат турмыс тәризин үгит-нәсиятлаў, оқыў орынларындағы жасларды спорт жарысларына ғалабалық түрде қамтып алыў мақсетинде Балалар өспиримлер спорт мектебинде Өзбекстан жаслар аўқамы Шоманай районлық Кеңеси «Камалак» балалар шөлкеми тәрепинен Халық билимлендириў бөлимине қараслы улыўма билим бериў мектеплери баслаўыш калсс оқыўшы жаслары арасында спорттың киши футбол түринен «Камалак кубогы» өткерилди.

Өткерилген спорт жарысына Шоманай районы аймағындағы  улыўма билим бериў мектеплериниң 3-4-класс оқыўшыларынан жәми 18 команда қатнасып 159 жас өспиримлер қамтып алынды. Жарыс жуўмағында 1-орынды 1-санлы мектеп, 2-орынды 16-санлы мектеп, 3-орынды 31-санлы мектеп оқыўшылары ийеледи. Жеңимпаз командалар шөлкемлестириўшилер тәрепинен диплом ҳәм баҳалы саўғалар менен мүнәсип сыйлықланды.