Сайтка кириу

Еки мыңнан артық жасларды бирлестирген таңлаӯ

Жаслардың барлық қатламларын китап оқыӯға үнлеӯ ҳәмде китап окыӯға болған қызығыӯын, талпыныӯларын қоллап-қуӯатлаӯ, жаслардың санасына Ӯатанымыз тарыйқы, миллий ҳәм улыӯма инсанийлық қәдириятларды сиңдириӯ олар ортасында китапханлық мәдениятты ғалабаластырыӯ мақсетинде «Жас китапхан» Республика таңлаӯы ѳткерилип келинбекте.

2019-жылдың 20-май сәнесинен 23 май сәнесине шекем «Жас китапхан» Республика таңлаӯының Шоманай районлық басқышы болып ѳтти.

Бул таңлаӯға 10-14 жас, 15-19 жас ҳәмде 20-30 жас тайыпасында жәми еки мыңнан артық жаслар саралаӯ басқышларында компьютерден тест тапсырды ҳәм 50 сораӯдан жәми 86 балл топлаған қатнасыӯшылар кейинги басқышқа жоллама алды.