Сайтка кириу

“Камалак” балалар шѳлкеми 18 жаста

2019-жыл 23-май күни «Шоманай аттракцион» балалар дем алыў бағында Ѳзбекстан жаслар аўқамы Шоманай районлық Кеңеси тәрепинен “Камалак” балалар шѳлкемине 18 жыл толыўы мүнәсибети менен “Ўатан, досық ҳәм бахытлы балалық ушын” ураны астында XVIII дәстүрий Анжуманы болып ѳтти.

Анжуманға районлық Халық билимлендириў бѳлими баслығы О.Султамуратов, районлық «Оила» орайы баслығы Б.Қуденова, «Шоманай нуры» газетасы редакторы М.Байдуллаева, улыўма билим бериў мектеп директорлары, сондай ақ  районлық  “Камалак” балалар шѳлкеминде алдыңғы дәўирлерде  жумыс алып барған басшылары қатнасып балаларды байрам менен қызғын қутлықлады.

Анжуман даўамында 2018-2019-оқыў жылы даўамында таңлаў, жойбарлар  ҳәмде жәмийетлик жумысларда белсендилик кѳрсеткен бир қатар жасларымыз “Жылдың ең белсенди жаслар жетекшиси”, “Ең белсенди бағдар сәрдарлары”, “Ең белсенди сәрдарлар кеңеси” ҳәмде “Жыл жәрдары 2019” номинациялары менен сыйлықланған болса, Жаслар аўқамының мақсет ўазыйпаларын қоллап қуўатлаўда белсендилик кѳрсеткен Халық билимлендириў бѳлимине қараслы 12-санлы мектеп директоры Ж.Бержанов ҳәмде 28-санлы мектеп директоры А.Есенбаевлар “Жылдың ең белсенди жаслар директоры” номинациялары менен сыйлықланды. Иләж даўамында “Камалак” балалар шѳлкеми искерлиги жолында мийнети сиңген бир қатар белсенди жаслар ҳәм бирге ислесиўши шѳлкем ўәкиллери де мүнәсип хошаметленди.

Улыўма билим бериў мектеплериндеги “Камалак” балалар шѳлкеми ағзалары тәрепинен таярлап келинген қосықлар ҳәм кеўилли аяқ-ойынлар Анжуманға ѳзгеше кейпият бағышлады.