Сайтка кириу

“Темурбеклер” әскерий спорт жарысы ѳткерилди

Мектеп оқыўшыларының бос ўақытларын мазмунлы ѳткериў, олар арасында саламат турмыс тәризин үгит-нәсиятлаў ҳәмде өз-ара мәдений спорт байланысларын жолға қойыў, дәслепки әскерий шақырыққа ийе болған ўатансуйиўшилик, жуўапкершиликли болған бәркамал әўладты тәрбиялаў мақсетинде Шоманай районындағы Орайлық стадионда “Темурбеклер” әскерий спорт жарысының Қарақалпақстан Республикалық аймақлық басқышы ѳткерилди.

Аймақлық басқышқа Қоңырат, Қанлыкѳл ҳәм Шоманай районы командалары қатнасты.

Беллесиўлер даўамында оқыўшы жаслардың Ўатан алдындағы парызын өтеўге болған қызығыўшылары еледе артып барғаны көринип турды.

Әскерий спорт жарысы жуўмағында басқалардан үстинлиги менен ажыралып турған Шоманай районы 7-санлы мектептиң “Жайхун” топары 1-орынды ийелеп әскерий спорт жарысының Қарақалпақстан Республикалық басқышына жоллама алды.