Сайтка кириу

“Исбилермен ҳаял” көрик таңлаўының районлық басқышы өткерилди

“2017-2021 жылларда Өзбекстан Республикасын раўажландырыўдың бес жөнелиси бойынша Ҳәрекетлер стратегиясын “Белсенди инвестициялар ҳәм социаллық раўажланыў жылы” даўамында әмелге асырыўға байланыслы Мәмлекетлик дәстүри хаққында”ғы Өзбекстан Республикасы Президентиниң Пәрманында белгилеп берилген ўазыйпалар, O’zLiDeP Дәстүри ҳәм Сайлаўалды платформасында белгиленген ўазыйпаларды әмелге асырыў исбилермен ҳәм фермер ҳаял-қызлардың белсене қатнасыўын тәмийнеў, мәмлекетимизде әмелге асырылатуғын социаллық-экономикалық, сиясый реформалар мазмун-мәнисин ҳаял-қызлар арасында кең үгит-нәсиятлаў мақсетинде 15-май күни “Исбилермен ҳаял” көрик таңлаўының районлық басқышы өткерилди.

Таңлаўда сөз алған район ҳәкими орынбасары, Ҳаял-қызлар комитети баслығы Д.Ибадуллаева ҳәмде O’zLiDeP Шоманай районлық Кеңеси аппарат баслығы Б.Каримовлар таңлаў қатнасыўшыларына әўметлер тиледи.

Таңлаўға районымыздағы белсенди исбилермен ҳәм фермер ҳаял-қызлар қатнасты.

Таңлаў жуўмағында “Матирзаева Розалия” тигиўшилик цехы ҳәмде Юсупбаева Шахрибану жеңимпаз болып көрик таңлаўдың Қарақалпақстан Республикалық басқышына жоллама алды.