Сайтка кириу

ҲҮРМЕТЛИ АБИТУРИЕНТЛЕР!

Мәмлекетлик хызметлер агентлиги тәрепинен абитуриентлер ушын жоқары оқыў орынларына ҳүжжет тапсырыўда және бир имканият ҳәм жеңиллик жаратылды.

Ендигиден былай абитуриентлер өзлери жасап турған аймақтан узақласпаған ҳалда жоқары оқыў орынларына кириў ушын ҳүжжет тапсырыўы мүмкин болады.

Бүгинги күнде абитуриентлерден барлық қала ҳәм районлардағы Мәмлекетлик хызметлер орайлары менен биргеликте, шетки аймақларда жайласқан орайлардың шақапшалары арқалы да ҳүжжетлер қабыл етиў жолға қойылды.

Жаратылған бундай имканиятлар өз гезегинде абитурентлердиң қымбатлы ўақты ҳәм қәрежетлериниң тежелиўин тәмийинлейди.

Мәселен, Шоманай районының Дийханабад аўыл пуқаралар жыйынында жасаўшы абитуриент буннан былай 130 км узақлықта жайласқан Нөкис қаласына келип жүрместен, усы аймақта жайласқан Мәмлекетлик хызметлер орайы арқалы ҳүжжет тапсырыў имканиятына ийе болды.